Промоција на тематот „Филозофија и филм“

ФИЛОЗОФСКА ТРИБИНА, темат: ФИЛОЗОФИЈА И ФИЛМ – мост меѓу мудрата мисла и подвижните слики

Кога ќе легнат импресиите и ќе пробаат да си го најдат местото меѓу бесконечност на значењето на зборовите, како некоја трајна вистина од некој агол на сеќавањето звучат стиховите од Радован Павловски:

„Со гласот да се преиначи атмосферата,
притисокот да се одбегне
да се израсте високо над пустинските предели
само со духот и без ничија помош
изгубен во слободата да се биде квасец за промени…“

Со нескриен ќеф сакаме да ве почестиме со парче импресии „врамени“ во фотографски формат од убавата и позитивна атмосфера од промоцијата на најновото издание на „Филозофска трибина“ од Филозофското друштво на Македонија, чиј тематски број беше посветен на филозофијата и филмот, а финансиски беше поддржан од програмата Цивика мобилитас. Прекрасните луѓе, драгите лица, ведриот дух и убавата енергија во ГЕМ придонесоа за најдостојно одбележување на промоцијата на првата печатена публикација кај нас од областа на „филмософијата“. Иницијациските промисли на Филозофскиот филмски фестивал си го најдоа своето место на страниците, не само да бидат чуени, туку и да бидат трајно забележани и читани. Огромно фала до сите вас кои со бодроста на поддршката, вашата мотивација и инспирација низ овие неколку изминати години, придонесовте за овој значаен исчекор во областа на филозофијата и филмот, градејќи го овој кај нас првичен мост меѓу мудроста и кадрите.

Мераци недоброј и радости триж повеќе. Не застануваме тука, туку со полет продолжуваме понатаму, сите заедно, затоа што, како што мудро и поетски би не посоветувал гореспоменатиот поет:

„Не е време да се преместуваат
во домашната празнина кристали мраз
туку е време за подавање раце во просторот…“

Александар Еленин

Промоција на тематот „Филозофија и филм“

     Најрадосни, со вас ја споделуваме веста дека на пат е првата публикација од областа на филозофијата и филмот во Македонија – тематот „ФИЛОЗОФИЈА И ФИЛМ“ на списанието Филозофска трибина во издание на Филозофското друштво на Македонија. Особено се радуваме бидејќи конечно пионерските обиди на Филозофскиот Филмски Фестивал си најдоа и пишана форма, и дел од оние убави средби со вас преточени во плодни дискусии на крајот од секоја од проекциите сега можеме да ги најдеме и во пишана форма, заедно со уште неколку истражувања на наши колеги од областа на филозофијата и филмот.

     Промоцијата е закажана за 6-ти јули (четврток) со почеток од 20.00 часот во ГЕМ Клубот (над Менада, Стара Чаршија). Промотор ќе биде нашиот ценет проф. д-р Иван Џепароски. Се надеваме дека оваа публикација ќе биде поттик и инспирација за понатамошни истражувања во оваа област и дека и понатаму ќе можеме да приопштуваме на македонски јазик дела од филм-философијата. Тематот е реализиран во соработка со програмата за поддршка на граѓанското општество Цивика Мобилитас на Швајцарската агенција за развој и соработка. Се гледаме наредниот четврток на промоцијата! 

Poster za promocija na Filozofija i film

Гостување на режисерот и сценаристот на „Сè за луѓето“ во Скопје

    Во понеделникот (5-ти јуни 2017) се одржа Специјалната проекција на двојниот победник на 7. Филозофски Филмски Фестивал, германско-грузиската копродукција „Сè за луѓето“  (All About People) на режисерот Гиорги Абашишвили. На проекцијата во Скопје беа присутни режисерот и сценаристот на филмот, Гиорги Абашишвили (Giorgi Abashishvili) и Миријам Штен (Miriam Steen) кои допатуваа од Германија специјално за настанот. Гостите имаа шанса да го посетат Скопје, се запознаа со вработените во Кинотеката на Македонија и добија подароци од македонската кинематографија, а вечерта беа дел од дискусијата со публиката инспирирана од проекцијата на филмот.

    По проекцијата на филмот, претставник на жирито – нашиот ценет режисер проф. Владимир Блажевски ја додели наградата од жирито, а модераторот на вечерта – селекторот на долгометражни филмови проф. Кирил Трајчев ја додели наградата од публиката. На дискусијата која следуваше по проекцијата, публиката беше љубопитна да дознае нешто повеќе за идејата зад кратките приказни на „Сè за луѓето“, за тоа како е филмот направен, но и за необично убавата музика кој ги следи сцените. На крајот од вечерта, следуваше мал пригоден коктел со гостите и публиката во фоајето на Кинотеката на Македонија. Настанот беше организиран со поддршка на програмата Цивика Мобилитас, Германската Амбасада во Скопје и Best Western Хотел Турист.

     On Monday (June 5, 2017) a Special projection of the winner of the 7. Philosophical Film Festival was held in the Cinematheque of Macedonia followed by a discussion with the director and scriptwriter of the film, Giorgi Abashishvili and Miriam Steen. The German-Georgian coproduction “All About People” won the “Golden Owl” Jury Award for Best Feature Film on PFF 2017 and the “Golden Owl” Audience Award for Best Feature Film on PFF 2017. Mr. Abashishvili and Ms. Steen came to Skopje from Germany especially for the event, meeting the public in Skopje for discussion and having the chance to see the film together in the Cinematheque of Macedonia.

     After the projection of the film, a representative of the festival’s jury – the Macedonian director Prof. Vladimir Blazevski handed out the Jury Award for Best Feature Film on PFF 2017 to Mr. Abashishvili, and the moderator of the evening – the selector of the festival Prof. Kiril Trajchev handed out the audience award. In the discussion that followed after the projection the public was curious to know a bit more about the idea behind the film, the way the film was realized, as well as the music following the film. At the end of the evening, a cocktail was held together with the guests and the public in the Cinematheque of Macedonia. The event was organized with the support of the Civica Mobilitas program, the German Embassy in Skopje and Best Western Hotel Turist.

 

Фотографии на Магдалена Аврамовска

Гостување на реж. Abashishvili со победничкиот „Сè за луѓето“

   Специјална проекција на Најдобриот долгометражен филм на ФФФ 2017 „СЀ ЗА ЛУЃЕТО“ (ALL ABOUT PEOPLE) на грузискиот режисер Giorgi Abashishvili. Оваа грузиско-германска копродукција ги освои срцата и на публиката и на жирито на 7. Филозофски Филмски Фестивал и режисерот Giorgi Abashishvili и сценаристката Miriam Steen ќе бидат наши гости во Скопје на 5 јуни (понеделник) во Кинотеката на Македонија со почеток од 20.00 чaсот. Настанот е поддржан од програмата Цивика Мобилитас, Германската амбасада во Скопје и BEST WESTERN Hotel Turist. Влезот ќе биде бесплатен. По проекцијата на филмот ќе бидат доделени наградите „Златен був“ на режисерот, а ќе следува и дискусија со публиката во салата.

    The Best Feature Film on PFF 2017 “ALL ABOUT PEOPLE” by Georgian director Giorgi Abashihsvili will receive a special screening on June 5 in Skopje. This Georgian-German co-production has won the hearts of, both, the jury and the public at the 7. Philosophical Film Festival. The director Giorgi Abashishvili and the scriptwriter Miriam Steen will be our guests on June 5 (20.00, Monday), at the Cinematheque of Macedonia, free entrance. The event is supported by the programme Civica Mobilitas, the German Embassy in Skopje and BEST WESTERN Hotel Turist. A discussion with Mr. Abashishvili, and the reception of the “Golden Owls” awards are going to take place after the screening.

СЕ ЗА ЛУЃЕТО (All About People, 2016)

Игран филм, Грузија, 72 мин., колор

Режија: Giorgi Abashishvili

Девет приказни од Грузија и Германија раскажуваат за убавината и трагичноста на човекувањето. Едно момченце го очекува изненадување на патот до училиштето. Млад молер ја открива магичната моќ на поезијата. Загубениот човек на железничката станица е во залудна потрага по времето, додека еден старец го губи својот внук во големиот град, а еден човек талка по гробиштата. Една двојка е заслепена од сончевиот сјај, а еден старец се збогува со сонцето и со светот на луѓето. Полни со надеж, девственост, нежност и возвишеност овие приказни базирани на делата на грузискиот писател Нодар Думбадзе (Nodar Dumbadze) зборуваат за човечката состојба во сите нејзини бои.


Nine episodes about the humorous, unexpected
and sometimes tragic moments of life.

About the first poem and the last hope,
the first love and the last breath,
the first conversation with the sun
and the last thanks to it.

Based on short stories of Georgian writer Nodar Dumbadze.

ФФФ Караванот во Прилеп и Битола

   По две успешни проекции на ФФФ Караванот во источниот дел на Македонија – Штип со победничките филмови на Фестивалот и Свети Николе со „Граѓанинот Кејн“, оваа недела се упатуваме кон Прилеп и Битола да го заокружиме ФФФ Караванот каде ќе организираме две филмски проекции проследени со дискусија со публиката и работилница за средношколци во Битола.

    Во вторник (25 април) се гледаме со прилепската публика во Градската библиотека „Борка Талески“ во коорганизација со македонскиот филозофаки портал „Акиндин“. Во Прилеп гостинка ќе биде проф. д-р Јасна Котеска која по проекцијата на „Бранот (Die Welle)“ на Денис Генсел ќе отвори дискусија со публиката на тема „Бранот: Човечката психологија и авторитарноста“. Место и време на случување: Градска библиотека „Борка Талески“ – Прилеп, 19.00 часот.

     Наредниот ден, во среда (26 април) ќе се упатиме кон Битола. Денот ќе го започнеме со  работилница за средношколците од Државното музичко училиште во Битола на тема „Вовед во филм – Како настанува филмската слика?“ со режисерката Ана Опачиќ. Потоа во вечерните часови продолжуваме со проекција на „Небо од ванила (Vanilla Sky)“ на Камерон Кроу, римејк на шпанскиот “Abre los ojos” на Аменабар. За филмот ќе говори доц. д-р Вангел Ноневски, а заедно со Дебатно кино „Контра Кадар“ ќе отвориме дискусија по проекцијата. Место и време на случување: Мала сала на Центарот за културата во Битола, 19.00 часот.

      Влезот за двете проекции е бесплатен. Ве очекуваме!

FFFPP-2017

17758134_10210946070122008_1141867577_n

Наредна станица на ФФФ Караванот: Свети Николе

    По прикажувањето на победничките филмови на ФФФ 2017 во Штип со што беше отворен ФФФ Караванот на 7. Филозофски Филмски Фестивал, овој петок (21 април 2017) закажуваме средба во Свети Николе на наредната станица од Караванот. Настанот се одржува во ко-организација со нашите соработници Меѓународниот Славјански Универзитет „Гаврило Романович Державин“.

   Денот го започнуваме со работилницата „Вовед во филм – Како настанува филмската слика?“ со м-р Ана Опачиќ наменета за учениците од СОУ Гимназија „Кочо Рацин“ од Свети Николе, Работилницата ќе се одржи во попладневните часови на Универзитетот. Истата вечер, ќе ја пречекаме пошироката публика во Свети Николе со проекцијата на култниот филм на Орсон Велс „Граѓанинот Кејн“ со кој го отворивме Фестивалот на почетокот од месецот во Скопје, а по проекцијата на филмот проф. д-р Љубомир Цуцуловски ќе одржи излагање на тема „Навраќање“ инпирирано од филмот. Како по секоја од проекциите на Фестивалот, на крајот од вечерта следува одискусија со публиката. Ве очекуваме!

 

Постер ффф со код.png

Започнува ФФФ Караванот во Штип! / PFF 2017 Winning films in Štip, Macedonia

     Како и минатите две години, по завршувањето на Главната програма на Филозофскиот Филмски Фестивал во Скопје, во втората половина од месец април Фестивалот заминува со ФФФ Караванот низ неколку градови на Република Македонија за да донесе дел од атмосефарата на Фестивалот и надвор од главниот град. Во 2017 г. на рутата на ФФФ Караванот ќе се најдат четири градови: Штип (19-20 април), Свети Николе (21 април), Прилеп (25 април) и Битола (26 април).

    Првата станица на патувачкото кино на 7. Филозофски Филмски Фестивал е Штип со две филмско-философски вечери во соработка со Филмската академија при Универзитетот „Гоце Делчев“ – Штип. На 19-ти април (среда) и 20-ти април (четврток) со почеток од 20.00 часот на УГД Штип ќе се одржат проекции на победничките филмови од ФФФ 2017, како и студентскиот филм кој беше изработен во рамките на Работилницата за авторски филм во Едукативната програма на Фестивалот. Деталната програма се наоѓа во прилог.

     Влезот за сите проекции е бесплатен, а поканети се сите заинтересирани кои сакаат да присуствуваат на проекциите.


     Projection of the winning films of PFF 2017 at the Film Academy of “Goce Delchev” University in Stip who is a collaborator of the Festival. In two evenings, 19-20 April, we will show the feature film ‘All About People’ by Giorgi Abashishvili who got the Jury Award and Audience Award for Best Feature Film on PFF 2017 and the short films: ‘Zsofika’ by Maxime-Claude L’Écuyer (Jury Award for Best Short Film on PFF 2017), ‘Limbo’ by Konstantina Kotzamani (Special Mention on PFF 2017), ‘Spring Flood’ by Jeannice Adriaansens (Audience Award for Best Short Film on PFF 2017), as well as one other favorite of the public – ‘The Buzzing of a Bumblebee’ by Vladimir Beldian. Also, the film ‘Shattered Visage’ will be shown created as part of the Film Workshop of PFF’s 2017 educational programme.

ФФФ Караван - Штип 2017

Свечено затворање на Фестивалот / Official Closing of the Festival

    Овогодишното затворање на Филозофскиот Филмски Фестивал се одржа на 7-ми април (петок) и оваа година со воведувањето на компетитивната програма на Фестивалот, преку Селекцијата на долгометражни филмови и Селекцијата на краткометражни филмови, го вклучи и свеченото доделување на наградите.

    Вечерта започна со обраќањето на директорката на Фестивалот Ана Дишлиеска-Митова која се заблагодари на сите соработници, спонзори и медиуски поклровители кои помогнаа во реализацијата на 7. Филозофски Филмски Фестивал, и особено на Агенцијата за филм на РМ која за прв пат оваа година го поддржа Фестивалот. По обраќањето следуваше премиерата на краткиот филм „Распарчен изглед“ („Shattered Visage“), во режија на Марио Петковски, кој беше изработен на Работилницата за авторски филм „Од идеја до премиера“. Работилницата која ја водеше режисерката Ана Опачиќ од ЕФТА се одржа во рамките на Едукативнaта програма на ФФФ 2017. По премиерата на краткиот филм, менторката им додели сертификати на учесниците на Работилницата кои беа наградени со огромен аплауз од публиката и му се заблагодари на целиот тим којшто покажа дека со напор и желба дури и за кратко време може да се направи еден добар филм.

      На затворањето на Фестивалот се потсетивме и на победниците од Конкурсот за средношколски филмософски есеј на тема „Технологијата, моќта и (само)уништувањето: Можеме ли да ги контролираме ефектите од сопствените пронајдоци?“. Церемонијата на доделувањето на наградите од Едукативната програма се одржа на 1-ви април (сабота) во Кинотеката на Македонија и од 72 пристигнати есеи Комисијата во состав проф. д-р Ана Димишковска, доц. д-р Трајче Стојанов, и д-р Трајче Серафимовски ги награди: Илина Димовска (I место), СОУ Гимназија „Кочо Рацин“ – Велес (ментор: Бошко Караџов); Павел Ѓорѓовски (II место), СУГС Гимназија „Раде Јовчевски Корчагин“ – Скопје (ментор: Даниела Николова) и Филип Бранимир Букшиќ (III место), СУГС Гимназија „Орце Николов“ – Скопје (ментор: Јулијана Јолевска).

15.

    Оваа година како една од новините на Фестивалот за прв пат имавме можност да доделиме награди за Најдобар долгометражен и Најдобар краткометражен филм според жирито и публиката на ФФФ 2017. За Најдобар краткометражен филм според жирито беше прогласен филмот “Софија” (Zsofika) во режија на Maxime-Claude L’Écuyer од Канада, a филмот “Лимбо” (Limbo) во режија на Konstantina Kotzamani од Грција доби Специјално признание од жирито. Според публиката, наградата за Најдобар краткометражен филм ја доби “Пролетна поплава” (Spring Flood) во режија на Jeannice Adriaansens од Белгија, а додека пак во селекцијата за Најдобар долгометражен филм, одлуките на жирито и публиката беа усогласени и наградата ја доби „Сè за луѓето“ (All About People) на режисерот Giorgi Abashishvili од Грузија.

    По доделувањето на наградите, на последниот ден од Филозофскиот Филмски Фестивал беше прикажан македонскиот филм “Прашина” во режија на Милчо Манчевски, филм кој ни е доста добро познат и близок. Сценарио во кое паралелно се раскажуваат две приказни, за две различни времиња, две различни места и култури. По завршувањето на филмот имавме можност да го проследиме излагањето на проф. д-р Драган Проле, Шеф на Институтот за филозофија на Филозофскиот факултет во Нови Сад на тема „Естетиката и насилството. За филмот ‘Прашина’ на Милчо Манчевски“. Публиката потоа имаше можност преку Skype Q&A да ги постави своите прашања на професорот кој поради оправдани причини не можеше да присуствува лично на фестивалот оваа година.

DSC_0696

   На крајот на овогодишното издание, посетителите имаа можност да ја заокружат вечерта со коктел од нашите спонзори Камник и Горска во фоајето на Кинотеката на Македонија и да продолжат со неформална дикусија под импресии од филмот и дискусијата во салата.

    Наредно следува ФФФ Караванот кој оваа година ќе се одржи во четири градови на Македонија: Штип (19-ти април), Свети Николе (21-ви април), Прилеп (25-ти април) и Битола (26-ти април). Во Скопје повторно се гледаме со уште побогата програма и уште повеќе филозофски дискусии наредната година!

DSC_0742-1

                 Тимот и волонтерите на Филозофски Филмски Фестивал 2017

Резултати од Конкурсот за најдобар средношколски филмософски есеј

    Оваа година, како и минатата, во рамките на Едукативната програма на Фестивалот се одржа проекција на средношколска видео лектира, „Dr. Strangelove“ на Стенли Кјубрик, и Конкурс за најдобар средношколски филмософски есеј на тема „Технологијата, моќта и (само)уништувањето: Можеме ли да ги контролираме ефектите од сопствените пронајдоци?“. На конкурсот учествуваа девет гимназии од цела Македонија: СУГС Гимназија „Раде Јовчевски Корчагин“, СУГС Гимназија „Орце Николов“, СГГУГС „Здравко Цветковски“, СУГС Гимназија „Никола Карев“, СУГС Гимназија „Јосип Броз Тито“ – Скопје  и ПСУ „Јахја Кемал“ (од Скопје), СОУ „Јосиф Јосифовски“ – Гевгелија, СОУ Гимназија „Кочо Рацин“ – Велес и СОУ Гимназија „Мирче Ацев“ – Прилеп.  Пристигнати беа 72 есеи инспирирани од филмот кој беше проектиран на 21-ви февруари во Кино Фросина, МКЦ.

     Комисијата во состав проф. д-р Ана Димишковска, доц. д-р Трајче Стојанов и д-р Трајче Серафимовски ги разгледа есеите и ги оцени според следниов редослед: трето место доби Филип Бранимир Букшиќ од СУГС Гимназија „Орце Николов“ – Скопје (ментор: Јулијана Јолевска), второто место му припадна на Павел Ѓорѓовски од СУГС Гимназија „Раде Јовчевски Корчагин“ – Скопје (ментор: Даниела Николова), a првото место го заслужи Илина Димовска од СОУ Гимназија „Кочо Рацин“ – Велес (ментор: Бошко Караџов). Наградите беа доделени во рамките на Свеченото доделување на награди кое се одржа на 1-ви април со почеток од 13.00 часот во Кинотеката на Македонија. Учениците беа наградени со едногодишни стипендии од Универзитетот за аудиовизуелни уметности ЕФТА, парични награди од донаторот г. Бранимир Матевски, филозофска литература од издавачката куќа „Аз-Буки“, филозофски списанија од Филозофското друштво на Македонија, како и ДВД-а со македонски филмови и списанието „Кинопис“ од Кинотеката на Македонија. Победничкиот есеј на Илина Димовска ќе биде објавен во списанието „Филозофска трибина“. Сите останати ученици добија сертификати за учество на годинешниот конкурс, а професорите сертификати за менторство на учениците.

      Огромни честитки за првонаградените ученици на Конкурсот за најдобар средношколски филмософски есеј и им се заблагодаруваме на сите гимназии, професори и ученици за учеството на 7. Филозофски Филмски Фестивал. Се гледаме догодина!

PFF 2017 Awards Announced! Наградите на ФФФ 2017 објавени!

Golden Owl award_PFF 2017
     The awards for Best Feature Film and Best Short Film on PFF 2017 have been announced! The Jury Award for Best Short Film on the 7th edition of the Philosophical Film Festival goes to ZSOFIKA by Maxime-Claude L’Écuyer (Canada), and LIMBO by Konstantina Kotzamani (Greece) received a Special Mention by the Jury. The Audience Award for Best Short Film on PFF 2017 goes to Jeannice Adriaansens (Belgium) for her film SPRING FLOOD. In the Official Selection of Feature Films, one film won both the hearts of the jury and the audience, and that is ALL ABOUT PEOPLE by director Giorgi Abashishvili (Georgia). Congratulations to all the winning films from the Philosophical Fim Festival and the Philosophical Society of Macedonia. We are looking forward to seeing many more cinematically beautiful films with philosophically inspiring topics in the years to come! At the end, great thanks to the sculptor Pero Kovancaliev and our sponsors RZ Institute for making the ‘Golden Owl’ awards of PFF 2017.
 
     Наградите за Најдобар долгометражен и Најдобар краткометражен филм според публиката и жирито беа објавени вчера на Севченото затворање на 7. Филозофски Филмски Фестивал. Наградата за најдобар краткометражен филм според жирито оди во рацете на режисерот Maxime-Claude L’Écuyer и филмот „Софија“ (Zsofika), додека „Лимбо“ (Limbo) на Konstantina Kotzamani од Грција доби Специјално признание од жирито. За Најдобар краткометражен филм според публиката беше прогласен „Пролетна поплава“ (Spring Flood) на Jeannice Adriaansens од Белгија. Во Селекцијата на долгометражни филмови, еден филм ги освои срцата и на жирито и на публиката – грузискиот филм „Сè за луѓето“ (All About People) на режисерот Giorgi Abashishvili. Честитики до сите режисери и нивните тимови и многу успех во понатамошната работа! На крајот, огромна благодарност до скулпторот Перо Кованцалиев и до РЖ Институт за спонзорството на наградите „Златен був“ на ФФФ 2017.

Zsofika trailer:
Limbo trailer:
Spring Flood trailer:
All About People trailer: